Estimadas familias:
Dentro do Proxecto Documental Integrado ALIMENT-ARTE, o CEIP Laverde Ruíz participamos no calendario artístico e solidario en beneficio da Asociación Galega da Enfermidade de Dent.
O noso centro deseñou o mes de decembro deste calendario. O prezo é de 5€, destinado 100% a esta doenza minoritaria.
Está dispoñible no cole. Podedes:
- Enviar os cartos a través do voso fillo/a e ese día xa leva o calendario.
- Presencialmente na aula de Audición e Linguaxe na planta baixa.
Animádevos a colaborar!
ÁRBORE DE NADAL
Seguindo o Proxecto Documental Integrado ALIMENT-ARTE, imos adornar a árbore de Nadal do colexio con adornos frutais. Aquí vos deixo as plantillas por se vos fan falta.
Moitas gracias, coma sempre, pola vosa colaboración. Data límite: 13 de decembro.
Plantillas das froitas (preme aquí)
Boas rapazada:
Como xa sabedes o día das múltiples capacidades está a piques de chegar e por isto de seguido presentámosvos dúas propostas para traballar o Día das Múltiples Capacidades:
O CEIP Laverde Ruíz, inmerso no Proxecto Documental Integrado ALIMENT-ARTE, celebrou o Día Mundial do Neno cun Almorzo Saudable para o alumnado de 1° e 2° de Educación Primaria. Deste xeito tan delicioso aprenderon que alimentos son imprescindibles nun almorzo para que sexa saudable: froita, froitos secos naturais, cacao puro, torrada con aceite e tomate, xamón serrano...
Esta actividade, patrocinada polo Concello de Outeiro de Rei, serviu para concienciar aos nenos/as do Dereito á Alimentación, ademais de potenciar a autonomía e o coidado do planeta evitando desperdiciar a comida.
Boas rapazada: Como xa sabedes levamos todo o curso preparando este gran acontecemento, que é para nós a I Feira do Libro, que levaremos a ...
