**Bibliolibeteca **: O LIBERRETO

Boas rapazada:

Hoxe traívos un reto que vai durar todo o curso. Queredes saber en que consiste?

Pois ben, como xa sabedes este curso, estamos a facer un PDI que versa sobre os diferentes países do mundo e que chamamos LIBETECA NA TÚA MALETA. O pasado día 24, día das Bibliotecas escolares cando pasei polas vosas aulas regaleivos un Libepasporte, onde aparecen todos os países que imos traballar nas aulas, para ir conseguindo pouco a pouco coñecer cada un deles de ir acadando o selo de todos e cada un dos países.

Para isto preparamos un reto, que consiste nunhas preguntiñas de cada un dos países, van estar durante nove días lectivos, é dicir os fines de semana e os festivos non contan,e cando acudades á biblio cos vosos mestres observaredes as preguntas e colleredes unha folla para respondelas, unha vez investiguedes as respostas deixarédelas nunha caixa de correo, e posteriormente cando as corrixamos pasará Elvira pola vosa clase para sellarvos o Libepasaporte, no caso de ter todas as respostas correctas.

É importante que esteades atentos e atentas ás datas posto que unha vez que cambiemsos de país... as respostas non serán válidas.

Así que atentos que ...COMEZAMOS!!!

RETO DE ARXENTINA de SANDRA ÁALVAREZ ALONSO