CONCURSO EN FAMILIA: BOOKFACE, CREAR ARTE COAS CARÁTULAS DOS LIBROS.

 Boas rapazada:

Como xa sabedes este ano, para celebrar o día do Libro, no noso concurso en familia imos facer un BOOKFACE. 

Nesta lapela vouvos ir deixando todas as fotos que nos vaiades mandando para que poidades desfrutar destas auténticas obras de arte. 

Moitas grazas a todos e todas por participar!!!

Saúdos, Libeteca

ACTIVIDADES PARA A SEMANA DO LIBRO

 Boas rapazada: 

Como xa sabedes o vindeiro día 23 de abril é unha data moi importante para todas bibliotecas, e nós para celebrala propoñemos as seguintes actividades.

PROGRAMA DA SEMANA DO LIBRO

CONCURSO EN FAMILIA

LIBETROCO

OBRADOIRO NOS BIBLIORECREOS

APADRIÑAMENTOS LECTORES

APADRIÑAMENTOS 24 de SANDRA ÁALVAREZ ALONSO

ANIMÁDEVOS A PARTICIPAR!!!!!

LIBETEQUEIROS VIAXEIROS

 Boas rapazada:

Como xa sabedes levamos un tempo recompilando fotos das vosas viaxes en familia para crear entre todos e todas o noso mural LIBETEQUEIROS VIAXEIROS, nel fomos colocando as fotos que nos fostedes achegando de diferentes lugares que estivestedes de visita, tanto na contorna máis próxima coma nas viaxes máis lonxanas e exóticas. 

Moitas grazas a todas e todos pola vosa participación e aquí vos deixo dúas fotiños dos nosos Libetequeiros Viaxeiros: 

A ver se sodes quen de atoparvos!!!!

Moitas grazas familias pola vosa participación.

Saúdos 

Libeteca!!!!

CHOCOLATE CON LETRAS

  Boas rapazada:

Como vai todo? Hoxe estou aquí para contarvos unha sorpresa que tivo lugar na biblio o pasado xoves día 21 de marzo.

 Como xa sabedes na biblio temos un clube de lectura para adultos (familias e mestres) que chamamos Café con Letras e que consiste en compartir un café comentando un libro previamente lido por todas as participantes.

 Pois ben, o alumnado de 4º A foi  tiña programada unha xuntanza para comentar o libro Vampira de Biblioteca de Ledicia Costas e cando chegaron á biblio tiñan todo preparado para compartir unha chocolatada cuns biscoitos, facendo unha adaptación do noso clube de lectura para adultos para noso alumnado, que nesta ocasión chamamos Chocolate con Letras.

A actividade foi todo un éxito xa que a todos se lles fixo moi curto, e despois da xuntanza fixeron un test onde o alumnado plasmou a súa opinión. Todos queren volver a ler, que ao fin e ao cabo era a finalidade da actividade  que se motivasen coa lectura e pasar un momento máis lúdico para rematar o trimestre.

Aquí vos deixo un pequeno vídeo resumo da actividade.

Agardo que esta actividade se volva  repetir e para iso... hai que ir pensando que libro podedes ler!!

E xa sabedes... Para calquera cousa Libeteca sempre na biblioteca!!!

21 DE MARZO, DÍA MUNDIAL DA POESÍA

 Boas rapazada:

Como vai todo? Como xa sabedes o pasado xoves, día 21 de marzo celebrase o Día Mundial da Poesía, e para isto no cole fixemos varias actividades, por unha banda elaboramos unha escolma entre os nosos fondos bibliográficos para colocar na nosa Xanela, e por outra  preparamos poemas tanto para o profesorado coma para o alumnado. 

Para o profesorado creamos un poema personalizado para cada un deles, e para o alumnado preparamos unha gaiola chea de poesía, eles foron á biblioteca e liberaron un poema, esto fixémolo en dúas quendas por unha banda para o alumnado de primaria e por outra para o de infantil modificando a dificultade dos textos e incluso adaptándoos con pictogramas para facilitar a súa comprensión.

Aquí vos deixo un pequeno vídeo resumo do noso Día da Poesía.

 Saúdos, Libeteca!!!

8 M

 Boas rapazada:

Como vai todo? Como xa sabedes o día 8 de marzo celebrase o Día Internacional da Muller, e nós dende a nosa escola e ao abeiro do noso PDI Libeteca na túa maleta decidimos que cada aula escollese unha muller importante do país que está a traballar e posteriormente elaborase a súa silueta en forma de photocall. 

Neste photocall, tamén había que dar a coñecer un chisco da vida da muller escollida e porque é ou foi importante e que logros acadou. 

Posteriormente o propio venres, día 8 de marzo o alumnado foi visitando todas as aulas para coñecelas a todas e sacar fotografías nas siluetas.

Aquí vos deixo un vídeo onde aparecen todas e cada unha das mulleres escollidas, agardo que vos guste e que aprendades  tantas cousiñas coma a min e xa sabedes ... para calquera cousa Libeteca sempre na biblioteca!!!

LIBERRETO DE ESTADOS UNIDOS

 Ola rapazada: 

Como vai todo? Hoxe deixovos aquí o Liberreto destas xornadas, xa que na páxina onde publicamos todos os retos hai moitos e estase a complicar a cuestión de atopalos, así que, dende agora vouvolos deixar nas dúas partes, por unha banda na páxina correspondente ao Liberreto, e por outra nunha entrada para que así vos facilite atopalo. 

Grazas por participar tan activamente rapazada!!!

RETO DE ESTADOS UNIDOS de SANDRA ÁALVAREZ ALONSO

SEMANA DA PRENSA

Boas rapazada:

Como xa sabedes esta vindeira semana, ao do 4 ao 8 de marzo é a Semana da Prensa, e para isto preparamos dúas cousiñas.

Por unha banda fixemos unha réplica do despacho de Gerónimo Stilton á entrada da biblioteca, posto que como xa sabedes nos seus libros el é un xornalista que traballa no xornal " El eco del Roedor", e por outra banda preparamos unha exposición cunha morea de xornais de diferentes países do mundo, de emiratos árabes, de alemaña, de EEUU, de Portugal, de España, de Italia.... 

Para comprobar a procedencia dos xornais, as súas semellanzas e diferenzas debedes aproveitar a vosa hora semanal de biblioteca e así traballar e gozar desta Semana da Prensa. 

 O punto final desta celebración porémolo o venres coa visita do alumnado de 4º  á redación do xornal da nosa cidade, El Progreso.

 Aquí vos deixo unha fotiño para que vaiades abrindo boca!!!

DÍA DE ROSALÍA

Boas rapazada!!!

Hoxe estou aquí para celebrar o Día de Rosalía, a  poetisa máis importante que houbo en Galicia e que tanto loitou polo galego e pola igualdade de homes e mulleres. Este ano para celebralo fixemos un programa de radio, no cal participou todo o alumnado dende os pequechiños de 3 anos ata os maiores de sexto. 

Aquí vos deixo o enlace para que poidades escoitar o programa e agardo que vos guste tanto coma a min esta primeira experiencia radiofónica. 

 Antes de deixarvos o enderezo quero dende aquí agradecer a todas e cada unha das aulas a súa participación no programa. Moitas grazas rapazada e.... ADIANTE CO PROGRAMA!!!