DÍA DA DISCAPACIDADE

Boas rapazada: Como xa sabedes, cada curso celebramos dende a biblio unha data relacionada co PDI que estamos a levar a cabo, porén este ano conmemoramos o día da discapacidade, xa que o noso PDI versa sobre Persoas con capacidades diferentes. Aquí vos deixo o vídeo co resumo de todo o que fixemos:

 - Xogamos un partido de special olympics coa fundación San Vicente de Paúl. 

- O alumnado de 5º asistíu á fundación e fixo uns obradoiros. 

- Todo o centro participou nunha carreira solidaria a prol da fundación Enki que traballan a prol do deporte adaptado. 

- E 4º, 5º e 6º asistíu a unha charla con Aspnais sobre a discapacidade e tiveron a sorte de contar con dous internos da asociación que son deportistas. Pero... coma sempre vale máis unha imaxe ca mil palabras aquí vos deixo o vídeo resumo con todas as actividades e xa sabedes ...para calquera cousa Libeteca sempre na biblioteca!!

PLEA FAMILIAS

PLEA PARA O ALUMNADO

PLEA PARA O PROFESORADO

 

PLEA PLAN DE LECTURA, ESCRITURA E ACCESO Á INFORMACIÓN

 Boas !

Durante este curso temos que realizar un novo documento de centro que se chama PLEA, plan de lectura, escritura e acceso á información e para isto precisamos a vosa colaboración.

Temos que facer uns test para saber cal é o noso punto de partida en estes tres aspectos:

-Lectura

- Escritura

- Acceso á información 

E precisamos facelo a tres bandas, por un lado o profesorado, por outro o alumnado e o restante son as familias.

Aquí vos deixo tres lapelas, unha para cada un de vos onde atoparedes os tres test que debedes cubrir, é moi importante que sexades sinceros/as para saber de onde partimos e ata onde queremos e podemos chegar co desenvolvemento deste plan nos vindeiros catro anos. 

Moitas grazas a todos e todas pola vosa colaboración.

PARTIDO SPECIAL OLYMPICS

 Boas rapazada:

O pasado venres día 21 de novembro tivemos unha actividade ao abeiro do noso PDI Persoas con capacidades diferentes. Consistíu nun partido de baloncesto de Special Olimpics, onde tivemos a sorte de contar coa Fundación San Vicente de Paúl que veu xogar co noso alumnado de 5º de primaria.

Foi unha experiencia estupenda tal é como podedes ver no vídeo que vos deixo de seguido:

Moitas grazas  a todos e todas as xogadoras por participar e a todos os espectadores /as por animar e vivir este partido dunha maneira exemplar.

Xornada de bibliotecas escolares

 Boas rapazada:

Hoxe estou moi leda porque o pasado sábado 15 de novembro estiveron presentándome nas Xornadas de Bibliotecas Escolares en Santiago. Chamáronnos para falar do noso proxecto do curso pasado Inventos e descubrimentos ao longo da historia.

Dende aquí deíxovos a presentación para que poidades ver o que contamos e tamén queria dar as grazas a Asesoría por chamarnos e dar visibilidade ao noso traballo!! 

24 DE OUTUBRO, DÍA DAS BIBLIOTECAS ESCOLARES

 Boas rapazada:

Como vai todo? Como xa sabedes o pasado venres, o día 24 de outubro foi o día das biblbiotecas escolares, e para celebralo preparamos dúas actividades, por unha banda o venres tivemos na nosa escola, concretamente no salón de actos, a Adrián Vigo un cantante neurodiverxente, que veu amosarlle ao noso alumnado que as dificultades non son un impedimento para realizar os teus soños. 

Por outra banda, o luns contamos na nosa escola con Marisol Bravos, unha mestra xubilada que está en cadeira de rodas por mor da poliomielite, e que ven facer un contacontos para o alumnado de infantil, e de 1º ata 3º, e o alumnado restante irán ter un encontro con ela e escoitarlle os obstáculos que tivo ao longo da súa vida.

Aqui vos deixo o vídeo resumo das actuacións que se levaron a cabo por parte de Adrián e de David, o seu pianista, e de Marisol Bravos no salón de actos da nosa escola.

  Moitas grazas a todos por participar das nosas actividades para celebrar o día das Bibliotecas, e para dar comezo ao noso PDI Persoas con capacidades diferentes, e sobre todo moitas grazas a Adrián, David e Marisol por colaborar con nós de maneira altruista.

Saúdos 

Libeteca 

ENQUISA PARA COÑECER O FOMENTO DO USO DO GALEGO. ALUMNADO

ENQUISA PARA COÑECER O USO DO GALEGO. FAMILIAS

ENQUISAS PARA COÑECER O USO DO GALEGO NA NOSA COMUNIDADE ESCOLAR. ENQUISA PARA O PROFESORADO

XORNADAS DE FORMACIÓN PARA O PROFESORADO

 Boas rapazada:

Estos primeiros días de setembro a nosa biblio ten as portas pechadas, pero...estamos empezando a recibir ao profesorado novo para que descubra a organización e o funcionamento da nosa biblioteca.

Aquí vos deixo a presentación que empregamos para vos sexa de utilidade se tedes algunha dúbida para facer os empréstitos e as devolucións.

Aquí vos deixo unha fotiño para que vexades o atentos/as que estiveron os nosos mestres/as.

E xa sabedes para calquera cousiña... Libeteca sempre na biblioteca!!

HORARIO DO NOVO CURSO

Boas rapazada:

Como vai todo? Xa estou aqui, coma cada ano, este curso xa estamos argallando cousiñas para o noso PDI: Persoas con capacidades diferentes, así que estade atentos ás nosas redes nos vindeiros días.

Agora para ir abrindo boca vouvos deixar aquí o noso horario deste curso.

Saúdos

Libeteca

OBRADOIRO DE TEATRO CON PALOMA LUJILDE

Boas rapazada:

Hoxe teño que desculparme convosco, creo que me vou facendo maior e me vai fallando a memoria, xa que agora estaba repasando o que fixemos durante o curso e decateime de que nos esqueceramos de colgar o vídeo do Obradoiro con Paloma Lujilde que veu á nosa biblio para celebrar co alumnado de 5º e 6º o día de teatro e achegárllo dunha maneira lúdica. 

Pero como di o refrán máis vale tarde que nunca así que aquí volo deixo.

Saúdos e desculpas de ...

Libeteca

obradoiro de teatro de SANDRA ÁALVAREZ ALONSO

Recomendacións lectoras para o verán

XORNADA DE PORTAS ABERTAS PDI INVENTOS E DESCUBRIMENTOS AO LONGO DA HISTORIA

 Boas rapazada:

Como xa sabedes o noso PDI chega ao seu fin coma cada mes de maio, e fixemos unha xornada de portas abrtas, por unha banda poa mañá o alumnado foron os encargados de facer o percorrido e pola tarde gozamos da compaña das familias da escola. 

Aquí vos deixamos un vídeo no cal podedes facer connosco o percorrido e revivir esta xornada tan especial, que agardamos que vos gustase tanto coma nós.

Moitas grazas a todos e todas por acompañarnos.

Portas abertas

Enquisas valoración das familias

Enquisas de valoración da biblioteca alumnado

EXPOSICIÓN DO PDI

 Boas rapazada:

Como xa sabedes, levamos todo o curso traballando arreo no noso PDI Inventos e descubrimentos ao longo da historia, e esta semana, concretamente na tarde do martes dende ás 15.15 ata as 18.00 horas imos abrir as portas da nosa escola para compartilo con vós. 

Agardámosvos!!!

 

I FEIRA DO LIBRO

 Boas rapazada: 

Como xa sabedes o pasado 22 de abril tivemos a nosa I Feira do Libro, e temos que dicir que estamos mi ledas porque foi todo un éxito, e isto foi grazas a todos os que viñestes para participar na mesma. 

Aquí vos deixo un vídeo para que non se nos esqueza este día tan maravilloso a prol da lectura e da cultura.

Feira 24-25 

  GRAZAS A TODOS POR FACER DESTE UN DÍA INESQUECIBLE!!!

ANUNCIO DA I FEIRA DO LIBRO DE OUTEIRO DE REI

 Boas rapazada:

Aquí vos deixo o anuncio da I Feira do Libro elaborada polo alumnado de 5ºB.

Xa queda pouco tempo para este gran evento, agardámosvos a todos, preferiblemente no horario de tarde, xa que pola mañá está reservado fundamentalmente para o noso alumnado. 

Grazas e vémonos na Feira!!

I FEIRA DO LIBRO

 Boas rapazada:

Como xa sabedes levamos todo o curso preparando este gran acontecemento, que é para nós a I Feira do Libro, que levaremos a cabo en colaboración co Concello, e que terá lugar o vindeiro 22 de abril na praza do Concello.

Aquí vos deixo dúas cousiñas, por unha banda o cartel anunciador do evento realizado pola familia de Abril López Mallo, e por outra unha invitación resumo do que poderedes atopar no evento. 

Agardamos pasar con todos vós  un día inesquecible rodeados de libros e de lecturas.

PRIMEIRO ANIVERSARIO DE IBAÑEZ

 Boas rapazada:

Como xa sabedes este año celébrase o aniversario da 1º tira de 13, Rue do Percebe De Francisco Ibáñez.  Lembramos a imaxe dun edificio con distintas viñetas e personaxes fixos. 

É unha forma de humor con esceas costumbristas rápidas e sinxelas que a todos gusta e saca un sorriso.

E nòs para lembralo preparamos unha serie de tiras còmicas que temos na nosa Xanela.

Agardamos que vos guste!!

8M

 Boas rapazada: 

Este ano para conmemorar o día 8M elaboramos un mural que simula unha película, e que chamamos MULLER TIÑAS QUE SER, esta actividade consistíu en darlle a vota a este dito pexorativo, e transformalo nalgo positivo. Para isto cada aula buscou unha muller que destacase na realización dalgún invento, e posteriormente plasmou a súa investigación no mural que podedes ver de seguido:

SEMANA DA PRENSA

 Boas rapazada:

Como xa sabedes a semana do 10 ao 14 de marzo celébrase a SEMANA DA PRENSA, e para isto fixemos unha actividade en todas e cada unha das nosas aulas, que consistíu en traballar un titular sobre un inventon propio da época histórica que se está a traballar. 

Aquí vos deixo dúas cousiñas, por unha banda as instrucións que lles enviamos a cada aula, e por outra un cartel co resultado final. 

Agardo que vos guste!!!

BOOKTUBERS

 Ola rapazada: 

Como vai todo? A rapazada de 5ºB elaborou uns vídeos recomendándonos os seus libros favoritos, e con todos os vídeos creamos uns códigos QR e fixemos un mural que está no corredor da entrada da biblioteca. Se vos tamén queredes participar a facernos unha recomendación lectora, só tedes que preparar un pequeno vídeo, en galego ou en castelán, onde nos faledes un chisquiño do libro e do seu autor ou autora e nos indiquedes o motivo da vosa recomendación. Unha vez que o teñades feito mandádenos o vídeo ao noso enderezo de correo electrónico e ... xa formaredes parte dos nosos BOOKTUBERS.

DÍA DE ROSALÍA

 Boas rapazada:

No día de hoxe 23 de febreiro conmemoramos o Día de Rosalía, e nesta ocasión fixemos un traballiño conxunto entre todos e todas. 

Por unha banda o alumnado de infantil,preparou uns caligramas en forma de folla cos poemas de Rosalía e por outra o alumnado de primaria empregou a mesma técnica usando os caligramas pero esta vez no rostro de Rosalía e con todo isto fixemos a árbore que se pode ver na fotografía. 

Agardamos que vos guste e Feliz Día de Rosalía para todos e todas!!