CHARLA DE SUSTENTABILIDADE PARA O ALUMNADO DE 3º

 Boas rapazada:

 O pasado martes día 15 de novembro tivemos a sorte de contar na biblio con Miguel, o pai do alumno Antón Fernández na biblioteca que é un experto sobre sustentabilidade e enerxías renovables. 

Grazas a esta charla aprenderon unha morea de cousas sobre a sustentabilidade, as enerxías renovables, os coches eléctricos, a biomasa, e sobre todo co beneficio de axudarlle ao planeta e de conseguir contaminar menos e coidar do medio ambiente. 

Esta charla esta enmarcada no PDI deste curso SOStendo ao planeta e foi un auténtico pracer tanto para o alumnado coma para o profesorado xa que aprendemos moreas de cousas e a rapazada amosouse moi interesada facendo numerosas preguntas e comentando as súas experiencias.

Moitas grazas Miguel, por asistir á nosa biblio para ensinarnos tantas cousiñas sobre as enerxías renovables e a sustentabilidade!!

NOVA VIDA PARA OS LIBROS DO EXPURGO

 Boas rapazada:

Como xa sabedes nos cursos anteriores fixemos un grande expurgo de libros, é dicir que quitamos libros que nos valían para estar na nosa biblio, ben por que xa tivesen moitos anos, porque non estivesen actualizados, porque non se adaptasen as vosas idades...

E agora queremos darlles unha nova vida, levando a cabo dúas iniciativas. 

Por unha banda o equipo de biblioteca preparou unha cesta chea de libros para que poidades levar de maneira totalmente gratuíta calquera membro da comunidade educativa, e que podedes atopar na entrada principal do cole. 

O único que tedes que facer é pasar polo cole e levar un libro e despois desfrutar do pracer da lectura nos vosos fogares. 

Aquí vos deixo a foto da cesta cos libros que temos estes días, pero apurade que voan!!!

E a outra iniciativa cos libros do expurgo tedes que permanecer atentos ao blogue e ao noso Instagram porque nos vindeiros días imos contárvola!!

E xa sabedes para calquera cousa Libeteca sempre na biblioteca!!

A XANELA

 Boas rapazada: 

Hoxe quérovos presentar A XANELA,esto é un muro que atoparedes na entrada da Bibliolibeteca e na que imos poñervos unha escolma de libros sobre diferentes temáticas, nesta ocasión temos libros sobre O OUTONO pero imos ir cambiandos nos vindeiros días. 

Sodes capaces de adiviñar cal será a nova temática da nosa xanela?

Temos que agradecerlle á familia de Andrea e Carolina Corujo por axudarnos a facer da Xanela unha realidade e por pasar o seu tempo mellorando a nosa biblio.

Moitas grazas familia!!

Saúdos

Libeteca

CHEGOU O SAMAÍN

 Boas rapazada:

Como xa sabedes o pasado venres celebramos a festa máis terrorífica na escola, O SAMAÍN!! 

Nesta ocasión fixemos dúas actividades por unha banda para o alumnado de infantil tivemos OS CONTOS ÁS ESCURAS que foron todo un éxito, tal e como podedes ver nas seguintes imaxes:

E para o alumnado de primaria fixemos unha sesión de CINE TERRORÍFICO, por unha banda para o alumnado de 1º a 3º que viron Casper, e por outra para o alumnado de 4º a 6º que viron The Witches, que é unha versión do libro " As bruxas " de Roald Dahl.

Para poder acudir tiñamos que conseguir unha entrada, que tiña cinco ocos para perforar e para poder entrar necesitabamos ter un mínimo de tres.

 Esta actividade fixémola no salón de actos  e na porta estaba eu, Libeteca, para comprobar que estaba todo correcto.

Para que poidades ser participes desta actividade deixovos aquí unha escolma de fotografías:

                                           

Moitas grazas, por estes días tan divertidos, xa estou desexando voltar a aparecer e pasar outro anaquiño convosco. E xa sabedes... para calquera cousa Libeteca sempre na biblioteca.

24 DE OUTUBRO DÍA DAS BIBLIOTECAS ESCOLARES

 Boas rapazada:

Como vai todo?

Como xa sabedes, o pasado luns 24 de outubro foi o día das bibliotecas escolares e nós celebrámolo cunha sesión de maxia para todo o alumnado, a cargo do Mago David, que nos fixo unha sesión de maxia adaptada ao noso PDI. 

Tivemos tres quendas, a primeira para o alumnado de infantil, a segunda de 1º ata 3º de primaria e a restante de 4º ata 6º. Todos os pases comezaron cun vídeo para relacionar a actividade co noso PDI: SOStendo ao planeta,e de seguido dividiu a súa actuación en catro bloques,

1º BLOQUE: ECOLOXÍA: A regra das 3 R ( recicla, reduce e reutiliza)

2º BLOQUE: CONTAMINACIÓN DOS MARES E OCEÁNOS. Contaminación e as consecuencias.

3º BLOQUE: CAMBIO CLIMÁTICO.Aumento da temperatura no planeta e causa do efecto invernadoiro.

4º BLOQUE:SUSTENTABILIDADE DO PLANETA.

Cómpre contarvos que eu tiven a sorte de asistir persoalmente ao espectáculo e que me gustou moitísimo, xa que foi moi interesante e adecuado ao noso PDI.

Aquí vos deixo as imaxes para que vexades o ben que o pasamos.

O LIBEÁLBUM

 Boas rapazada:

Hoxe estou moi leda porque, como xa sabedes o día 24 foi o Día das Bibliotecas Escolares, e tamén o meu primeiro aniversario. E para celebralo ademais de traer o espectáculo de maxia co Mago David,dinvos a todos /as un álbum de cromos como agasallo.

Esta actividade faise para facer unha formación de usuarios e que todo o alumnado se familiarice coa nosa CDU.

Aquí vos deixo unhas imaxes do álbum e unhas pautas para entender ben esta actividade.

E xa sabedes para calquera cousa...Libeteca sempre na biblioteca!

ACTIVIDADES DERRADEIRA SEMANA DE OUTUBRO.

 Boas rapazada:

Que tal vai todo?

Esta semana traio moitas novidades, xa que temos unha morea de cousiñas. 

Por unha banda o luns día 24 de Outubro é o Día Internacional das Bibliotecas Escolares, e imos celebralo cunha sesión de maxia para todo o alumnado do centro a cargo do Mago David e que estará vencellado ao PDI deste curso, que como xa sabedes é SOStendo ao planeta. 

E ademais contarvos que é o meu primeiro aniversario, e que estou moi leda de celebralo con todos vós, e para celebralo vouvos facer un agasallo a todos, a ver se vos

Ademais achegase a época máis terrorífica do ano, O SAMAÍN, e para isto imos realizar dúas actividades, por unha banda para o alumnado de infantil que terán unha sesión cun contacontos que chamaremos CONTOS ÁS ESCURAS, e que realizaremos o xoves día 27, tal e como se indica no seguinte cartace.

 E para rematar, o alumnado de primaria terá unha SESIÓN DE CINE TERRORÍFICO e para isto terán lugar dous pases no salón de actos, por unha banda o alumnado de 1º ata 3º que verán Casper , e por outra o alumnado de 4º ata 6º que verán Os Gremlins.  

Eu xa lle din ás vosas titoras/es unha entrada que teredes que levar o día da sesión do cine e que debedes entregar na porta, pero debedes conseguir un mínimo de tres perforacións para poder gozar do filme.

Agardo vervos a todos en todas as actividades e xa sabedes... para calquera cousiña Libeteca sempre na biblioteca.