VÍDEOS RESUMO DO P.D.I. ALIMENTARTE

 Boas rapazada:

Aquí vos deixo un gran traballo que se realizou en todas as aulas. Como xa sabedes ao longo de todo o curso estivemos facendo numerosas actividades ao abeiro do noso proxecto. Cada aula escolleu un autor ou unha corrente artística e estivo a investigar ao longo de todo o cursoe agora chegou o momento de explicar o que aprendemos ao resto do alumnado do centro. 

Seguindo o lema da Asesoría de Bibliotecas Escolares de Galicia " A biblioteca ten a palabra" quixemos darlle a palabra ao noso alumnado e aquí tedes o resultado. 

De seguido atopades un Genially con todos os vídeo, só tedes que premer nas etiquetas correspondentes e desfrutar do traballo da rapazada. 

Agardo que vos guste tanto coma a min e que aprendades moitas cousas. 

Moitas grazas polo voso traballo e parabéns rapazada!!

Saúdos 

Libeteca

Boas rapazada: 

Hoxe teño o pracer de convidarvos a todos á xornada de portas abertas para dar a coñecer o noso proxecto deste ano, que como ben sabedes é AlimentArte. 

Esta xornada é para as familias do centro, poderedes acudir dende as 15 ata ás 17 horas do vindeiro martes día 19 de abril, xusto á volta das vacacións de Semana Santa.

 Imos facer varios percorridos pola escola, guiados polo profesorado do centro, e ides ver os traballos que prepararon dende cada titoría o alumnado do centro. Así mesmo tamén pasaredes a coñecer a Bibliolibeteca, e poderedes ver un resumo das nosas actividades ao longo deste proxecto.

Non me faltedes!! Agardo por todos vós. 

Un saúdo, Libeteca.

 

OBRADOIRO FUNDACIÓN MAPFRE

 Bo día rapazada:

Como vai todo? Como xa sabedes onte tivemos unha convidada na escola, ela foi a Cheff Bio e andivo polas aulas de terceiro e cuarto facendo un obradoiro de alimentaciòn saudable dentro do P.D.I.  do centro AlimentArte. Durante os vindeiros días o resto do alumnado de primaria, recibirá os obradoiros por parte da fundación.

Aquí vos deixo as fotiños do obradoiro nas diferentes aulas para que poidades gozar da actividade, a ver se aprendedes tanto coma min!!!!

GRACIÑAS POLA TÚA VISITA CHEFF BIO!!

 SAÚDOS.LIBETECA!!

OBRADOIRO DE ALIMENTACIÓN SAUDABLE DE LARSA

 Bo día rapazada: 

Como estamos? Hoxe estou aquí para comentarvos que o pasado luns día 28 tivemos un obradoiro dentro do P.D.I. deste curso AlimentArte tivemos a sorte de contar cunha empresa da contorna Larsa, que como xa sabedes adicase ao sector dos lácteos. Foi dirixida para o alumnado de 4º, conectámonos a través de teams por unha videoconferencia e posteriormente degustamos un iogur pola súa xentileza. 

Aquí vos deixo as fotiños do obradoiro. 

Moitas grazas pola vosa xentileza Larsa. 

Un saúdo 

Libeteca

OBRADOIRO DE ALIMENTACIÓN SAUDABLE TORRE DE NÚÑEZ

 Boas rapazada: 

Hoxe estou aquí para comentarvos que tivemos na nosa biblio un obradoiro de alimentación saúdable que foi a cargo da empresa de productos cárnicos Torre de Núñez, que é unha empresa da nosa cidade con máis de cincuenta anos de idade.

Aquí vos deixamos a presentación tan interesante que lle puxeron ao noso alumnado, neste caso o agraciado con este obradoiro foi o alumnado de 6º de primaria.

Unha vez que rematou a presentación a cargo de Isabel e de Inés, por parte da empresa tivemos a sorte de gozar dunha degustación dos seus produtos pola súa xentileza.

Dede aquí agradecerlles a súa visita, o seu tempo e todas as cousiñas que aprendemos hoxe. Ademais  por suposto polos produtos tan saborosos que puidemos gozar na nosa biblio. 

Aquí vos deixamos a fotografías do evento do día de hoxe. 

                 

Moitas grazas por todo rapazas, e xa sabedes onde tedes a vosa biblio,  e a próxima visita non vos esquezades de traer ao voso amigo Fociños!

Saúdos Libeteca

PRIMAVERA NO LAVERDE

 Boas rapazada:

Como xa sabedes esta semana estreamos unha nova estación, a primavera! E nesta época énchese todo de vida, florecen  os campos e enchensen de flores e de cores. E para eso as miñas axudantes prepararon unha mesa temática cuns libros moi interesantees que subirei nos próximos días xa que ainda está sen rematar.

Pero o que vos quero amosar hoxe éun bambán que pendura no corredor da escola. 

Sacamos a idea dun escaparate da libraría Brétema de San Sadurniño onde o autor Jordi Cicely presenta o seu libro para adultos “Mariela envenena mis sueños” tivemos a sorte de poder facerlle chegar a foto do noso bambán e el fíxose eco da nova. Estamos moi agradecidas polas túas verbas!!! Moitas grazas, e se algún día de decantas por escribir libros para a rapazada xa sabes onde te estaremos agardando!!!

Aquí vos deixamos as súas verbas, para que o comprobedes de primeira man.

Hoxe tivemos a sorte de comprobar que o escritor Jordi Cicely colgou o noso bambàn nas súas redes sociais, aquí vos deixo a imaxe para que poidades comprobar as verbas tan fermosas que nos adican.

Grazas por todo Jordi, saúdos de Libeteca

AGASALLOS DAS FAMILIAS

Boas rapazada:

Hoxe estou moi leda, porque esta mañá recibimos no cole un agasallo por parte dunha familia colaboradora do comedor, que nos mercou estas cousiñas para incorporar á nosa colección de libros e xogos.  

Moitas grazas por este agasallo e estou segura de que o noso alumnado gozará moito destas novas adquisicións.

Saúdos, Libeteca!!